អង្គការអន្តរជាតិការពាររុក្ខជាតិ និងសត្វ Fauna & Flora International បានប្រកាសនៅថ្ងៃច័ន្ទ ទី១៥ ខែវិច្ឆិកានេះថា គេទើបនឹងបានរកឃើញពពួករុក្ខជាតិប្រភេទថ្មីមួយនៅលើជួរភ្នំ ក្រវាញ ដែលអាចចាប់សត្វស៊ីជាអាហារបាន។
ជួរភ្នំក្រវាញ
រូបថតRFA/សេក បណ្ឌិត
អំបូររុក្ខជាតិនេះត្រូវបានគេឲ្យឈ្មោះជាភាសាបរទេសថា ណាប៉េនទេស ហូលដិននី (Napenthes Holdenii) តាមឈ្មោះរបស់ជាងថតរូបម្នាក់ ដែលបានឃើញរុក្ខជាតិនេះមុនគេនៅឆ្នាំ១៩៩៦។
Botanist Francois Mey with new species of pitcher plant. Photo by: Jeremy Holdren/FFI.
The new species of pitcher plant, Nepenthes holdenii. Photo by: Jeremy Holdren/FFI.
សេចក្ដីប្រកាសព័ត៌មានរបស់អង្គការអន្តរជាតិការពាររុក្ខជាតិ និងសត្វ Fauna & Flora International បានឲ្យដឹងថា ការរកឃើញនេះបញ្ជាក់ថា អាចនៅមានរុក្ខជាតិចម្រុះច្រើនប្រភេទនៅលើភ្នំនេះ ដែលគេនៅមិនទាន់បានធ្វើការសិក្សាស្រាវជ្រាវ។
រុក្ខជាតិដែលគេទើបរកឃើញនេះ មានស្លឹកវែងពណ៌ក្រហមលាយបៃតង មានសណ្ឋានដូចថូផ្កា ដែលអាចត្រងចាប់សត្វល្អិត និងកិនកម្ទេចធ្វើជាអាហារបាន។ ស្លឹករុក្ខជាតិនេះអាចមានប្រវែងដល់ទៅ ៣០សង្ទីម៉ែត្រ៕
(អត្ថបទ RFA)
Note4today 
បញ្ចេញមតិ